Нийгмийн болон Эрүүл мэндийн даатгалын хөрөнгийг Төрийн санд байршуулна

Монгол Улсын Засгийн газрын өр 2016 оны төгсгөлд ДНБ-ий 78.8 хувь байсан бол 2018 оны төгсгөлд 58.9 хувь болж буурчээ. Засгийн газрын зүгээс өрийг бууруулах үүднээс өрийн дарамт учруулж байгаа барих, шилжүүлэх нөхцөлтэй концессийн гэрээг хийхгүй байхаар шийдвэрлэсэн байна. Мөн арилжааны нөхцөлтэй дотоод, гадаад бондыг авахгүй байх бодлого баримталж ажиллахаар болжээ.

Нийгмийн даатгалын сан болон Эрүүл мэндийн даатгалын сангийн хөрөнгө арилжааны банкуудад байршдаг байсныг 2020 оноос эхлэн Төрийн санд төвлөрүүлэх бодлого баримталж ажиллах талаар Сангийн сайд Ч.Хүрэлбаатар мэдээлэл өглөө. Тэрбээр “Капитал банкны дампуурал эрсдэл үүсгэхийг харууллаа. Ингэж байж аливаа эрсдэлгүй явна гэж Засгийн газраас үзсэн” гэсэн юм.