Хабиб Абу-Дабид Дастин Порьетой тулалдана

Автор | Zindaa.mn
2019 оны 05 сарын 03

ОХУ-ын холимог тулаанч Хабиб Нурмагомедов Ирландын Конор МакГрегортой хийсэн тулааны дараа үймээн үүсгэсэн хэргээр тулалдах эрхээ хасуулаад байгаа билээ. Түүний торгуулийн хугацаа энэ долдугаар сард дуусна.

UFC холбооноос Хабиб Нурмагомедовын дараагийн тулаан есдүгээр сарын 7-нд болно гэж мэдэгдлээ. Энэ өдөр АНЭУ-ын Абу-Дабид “UFC 242” тэмцээн явагдах бөгөөд гол тулаан нь Хабиб - Дастин Порье байх юм. Мөн Алистар Оверим ОХУ-ын Александр Волковтой энэ үдэш гар зөрүүлнэ.

Абу-Даби хотын Соёл, аялал жуулчлалын газрын захирал Али Аль Шаиба сэтгүүлчдэд “АНЭУ-д холимог тулаанд дуртай хүн маш олон. Бид жирийн нэг тэмцээн биш холимог тулааны баяр, наадам зохион байгуулах болно. Бүтэн долоо хоногийн турш үзэсгэлэн, семинар, урлагийн тоглолт явагдана. Энэ спорт бол маш ирээдүйтэй бизнес юм” гэж мэдээллээ.

Хабиб энэ тулааны дараа дахин гурван удаа рингэнд гараад зодог тайлах гэнэ. Тэрбээр 2008 оноос холимог тулааны спортод хүч сорьсон. Нийт 27 тулалдаж, нэг ч ялагдаагүй босоо аварга билээ.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Ats. (120.17.182.87)  2019 оны 05 сарын 03

Aneu gj yu sh.aa.gaad bga at.s we. Hun oilgohoor yum oruullda

0  |  0
Top