Ж.Барроуз холимог тулааны аварга Аскренийг цэвэр яллаа

Америкийн чөлөөт бөхийн олимпийн аварга, дэлхийн 4 удаагийн аварга Жордан Барроуз чөлөөт бөхийн “Grapple At The Garden” тэмцээнд оролцлоо.

Түүний өрсөлдөгч нь холимог тулаанч, “ONE Championship”, “Bellator” холбоодын аварга Бен Аскрен байсан бөгөөд Бен бол нийт 19 тулалдаж, нэг ч ялагдаагүй босоо аварга. Энэ жилээс холимог тулааны хамгийн том холбоо болох UFC-д шилжээд байгаа билээ.

Аскрен залуудаа чөлөөт бөх барилдаж байсан. Оюутны тэмцээнүүдэд амжилттай оролцож, 2005 онд Панамерикийн аварга болж байжээ.

Гэвч тэр олимпийн аваргын эсрэг юу ч хийж чадсангүй. 30 настай Барроуз 11:0 цэвэр ялсан байна.