Бокс олимпийн гэр бүлдээ үлдлээ

Олон улсын олимпийн хорооноос авлига хээл хахууль, будлиантай шүүлт, мөнгө угаах хэрэгт холбогдсон Олон улсын сонирхогчдын боксын холбоотой хамтран ажиллахаа зогсоогоод байсан билээ. Ингэснээр бокс олимпийн төрлөөс хасагдах аюул нүүрлээд байсан.

Тэгвэл өчигдөр хуралдсан Олон улсын олимпийн хорооны Гүйцэтгэх зөвлөлийн хуралдаанаар боксын спортыг ирэх жил болох “Токио-2020” наадмын хөтөлбөрт үлдээх шийдвэр гаргалаа. Гэхдээ Олон улсын сонирхогчдын боксын холбооны гишүүнчлэлийг цуцалсан байна. Тиймээс олимпийн боксын тэмцээнийг өөр ямар нэг холбоо зохион байгуулахаар болсон байна.