Хүүхдийнхээ халаасыг шалгаарай, МАНСУУРАГЧ БАЙЖ мэднэ...

Б.Гантуяа | Zindaa.mn
2019 оны 06 сарын 11

Гуравхан жилийн өмнө манай улс хар тамхи мансууруулах бодисын дамжуулагч орон гэсэн статустай байсан бол өнөөдөр хар тамхи хэрэглэгчдийн тоо 75 мянгад хүрч, хэдийнэ хэрэглэгч орон болсон гэх судалгааг НҮБ-аас гаргасан байдаг. Гэвч энэ тоо өдрөөс өдөрт өссөөр байгааг албаныхан мэдээлж буй. Сүүлийн жилүүдэд хар тамхи, мансууруулах бодис хэрэглэгчдийн тоонд өсвөр насны хүүхэд, сурагчид багтах болсон нь мэргэжилтнүүдийн санааг зовоосон асуудал болоод байна.

Түүнчлэн Сэтгэцийн эрүүл мэндийн үндэсний төвд, ахуйн хэрэглээний хий, шар цавуу үнэрлэж мансуурах эмгэгтэй өсвөр насныхан олноор ирж эмчилгээнд хамрагдах болсон ба сүүлийн зургаан сарын дотор ахуйн хэрэглээний хий үнэрлэж нас барсан тохиолдол 10 гаруй бүртгэгджээ.

Хамгийн сүүлийн жишээг энд дурдвал, зургаадугаар сарын 9-ний өдөр Баянгол дүүргийн нутаг дэвсгэр Чингүнжавын хөшөөний орчимд өсвөр насны хүүхэд ухаангүй байдалтай олджээ. Хүүг цаг алдалгүй Яаралтай түргэн тусламжийн төвд хүргэсэн боловч эмнэлгийн тусламж авч чадалгүй амьсгал хураасан байна. Хэргийг цагдаагийн байгууллагаас шалгахад, 18 настай эрэгтэй А нь ахуйн хэрэглээний хий үнэрлэж нас барсан болох нь тогтоогджээ. Хэргийн газраас эд мөрийн баримтаар амны халбага, БНСУ-д үйлдвэрлэгдсэн “Ferfect butone” гэх ахуйн хэрэглээний хийн сав зэргийг хураан авчээ. Хэргийг Баянгол дүүрэг дэх цагдаагийн нэгдүгээр хэлтэст үргэлжлүүлэн шалгаж байна.

-НАСАНД ХҮРЭЭГҮЙ ХҮНД ХИЙ ХУДАЛДСАН БОЛ ТУСГАЙ ЗӨВШӨӨРЛИЙГ ЦУЦЛАХ БА
ЭЦЭГ ЭХЭД ЭРҮҮГИЙН ХАРИУЦЛАГА ХҮЛЭЭЛГЭНЭ-

Дээрх хэрэг мөрдөн байцаалтын шатанд явж байгаа тул дэлгэрэнгүй мэдээлэл өгөх боломжгүй юм. ЦЕГ-ын Мэдээлэл лавлагааны төвд өнгөрөгч онд хүүхэдтэй холбоотой гэмт хэрэг 82 хувиар өссөн хэмээн тэмдэглэгджээ. Эдгээрээс өсвөр насныхан мансуурсан гэх хэрэг 51 хэрэг бүртгэгдсэн байна. Өсвөр насныхан ийнхүү мансуурах болсонд эцэг эхийн хараа хяналт сул, хүүхдүүд эрүүл мэндийн боловсрол дутмаг, мөн энэ төрлийн бүтээгдэхүүн худалдан борлуулах эрхтэй худалдааны цэгүүд хууль журмаа биелүүлдэггүй зэрэгтэй шууд холбоотой.

Хуулийн хүрээнд насанд хүрээгүй хүүхэд хий үнэрлэж мансуурсан гэмт хэрэг хийсэн бол хий хэрхэн олж авснаас шалтгаалж холбогдох этгээдэд хариуцлага тооцдог. Тухайлбал, хүүхэд хийг гэрээсээ авч хэрэглэсэн бол хүүхдээ асран хамгаалах үүргээ биелүүлээгүй эцэг эхэд эрүүгийн хариуцлага тооцож хорих ял шийтгэнэ. Харин насанд хүрээгүй хүнд ахуйн хэрэглээний хий худалдсан бол тухайн аж ахуйн нэгжийн тусгай зөвшөөрлийг цуцлах хүртэл арга хэмжээ авдаг байна.

-АХУЙН ХЭРЭГЛЭЭНИЙ ГАЗ БУЮУ БУТАНЫ ХИЙ НЬ 
БАГА ТАРХИНЫ ҮЙЛ АЖИЛЛАГААГ СААТУУЛСНААР ШУУД ҮХЭЛД ХҮРГЭДЭГ-

Хийн найрлагад пропан, бутан, хүхэр зэрэг хүний биед сөрөг нөлөөтэй олон химийн бодис агуулагддаг. Эдгээр хорт бодисууд хүний бага тархинд хүчтэй нөлөөлж, мэдрэлийн хэвийн үйл ажиллагааг алдагдуулахаас гадна арьсыг түлэх, амьсгал боогдуулах, нүдний салстуудыг гэмтээх онц аюултай. Хэрэв хий санамсаргүй алдагдах болон санаатайгаар үнэрлэхэд толгой эргэх, амьсгалахад төвөгтэй болох шинж тэмдэг илэрдэг. Их хэмжээний бодисоор амьсгалснаас амьсгалын замын эрхтэн түлэгдэх аюултай. Тиймээс хийд хордсон болон мансуурсан иргэнийг цэвэр агаарт гаргах, чимээгүй газар байрлуулж, эмнэлгийн тусламж дуудах хэрэгтэй юм.

-ТАНЫ ХҮҮХЭД МАНСУУРЧ БУЙГ ХЭРХЭН МЭДЭХ ВЭ-

Цагдаагийн ерөнхий газрын Хар тамхитай тэмцэх газрын дэргэд мансууруулах эм, сэтгэцэд нөлөөт бодистой холбоотой гэмт хэрэг, зөрчил болон донтох эмгэгээс урьдчилан сэргийлэх, түүний хор аюулын талаар зорилтод бүлэг болох энэ төрлийн гэмт хэрэг, зөрчилд холбогдсон, ял шийтгэгдсэн, суллагдсан болон нийт иргэд, өсвөр үеийнхэнд нөлөөллийн сургалт зохион байгуулах зорилго бүхий “Сургалт, мэдээллийн тэнхим”-тэй болсон бөгөөд уг тэнхимд хар  тамхины хэрэглүүрүүдийг үзүүлэн болгон дэлгэжээ.

Хэрэв таны хүүхэд, найз нөхөд, ойр дотныхноос дараах эд зүйлс гарч ирвэл мансуурагч байж болзошгүй. Иймд холбогдох байгууллагад хандахыг зөвлөж байна.

Хэрэглүүр

1.Ажиллагааг өөрчилсөн асаагуур

2.Ундааны хуванцар сав /Хуванцар савыг тамхины хажуу талаас нь тамхины цогоор түлж нүхэлсэн байх/

3.Тогоо хэлбэрт оруулсан мөнгөлөг цаас /Мансуурагчид ихэвчлэн мөнгөлөг цаастай явах ба ОХУ-д үйлдвэрлэгдсэн шоколадны доторх мөнгөн цаасыг ашиглах нь элбэг/

4.Шинэ мөнгөн тэмдэгтийг хуйлж гуурс хэлбэрт оруулсан байх

5.Баримлын шавар мэт цэгүүд /Кашиш гэх нэршилтэй дээрх бодис нь хүрэн бор өнгөтэй баримлын шавар мэт харагдана. Мансуурагчид үүнийгээ цэг гэж нэрлэх бөгөөд гар утас, утасны кейс, машины түлхүүр, пудр, толь үзэгний ар талд жижиг цэг болгож наасан байх нь олонтаа/

6.Соруул /Ердийн ундааны соруулыг тайрч богиносгоод хооронд нь холбосон байх/

Шинж тэмдэг

1.Хар тамхи нь дотроо мансууруулах, тайвшруулах, сэргээш болон хий үзэгдэл үзүүлэгч гэсэн дөрвөн төрөлтэй байдаг. Дээрх бодисуудын төрлөөс хамаарч зарим тохиолдолд нүдний хүүхэн хараа өргөсөх ба нарийсах шинж тэмдэг илэрнэ.

2.Ам цангах нь хамгийн түгээмэл шинж тэмдэг бөгөөд ам салст хуурайшсан байна.

3.Шөрмөс татах

4.Огцом турах

5. Зан харилцаа өөрчлөгдөх

6.Хоолны дуршилгүй болох

7.Нойргүйдэх /Бага унтах/ гэх мэт шинж тэмдэг илэрдэг байна.

 

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
GANGSTA(153.201.83.224) 2019 оны 06 сарын 11

Muu hogiin har tamhiar yadag bnaa pizda, yu ni goyo bnaa, ternii orond zugeer l saihan 100 g shaachaad l yavj bai za muu teneg pizdakuudaa.....

Mip(141.0.12.27) 2019 оны 06 сарын 11

сонирхолтой

matilda(156.0.214.24) 2019 оны 06 сарын 11

Сайн уу, ээж ээ Хүмүүс мөрөөдөлдөө хүрэх боломжийг олгохын тулд интернэт зээлийг санал болгодог санхүүгийн бүтэц юм. Хэрэв танд хувийн төсөл байгаа бол; эсвэл санхүүжилтийн хэрэгцээ; бидэнтэй холбоо барина уу Зээлийн хїїгийн турш зээлийн хїї 2% байна. Бидний санал болгож буй санал нь $ 5,000-500.000 доллараас эхлэн 1 жилээс 25 жил хүртэлх хугацаанд буцаан олгогддог. Хэрэв та сонирхож байвал илүү мэдээлэл авахыг хүсвэл бидэнтэй холбоо барина уу. Мэйл: matildalecoustre@Gmail.Com wathsapp: 0022 995 414 913

Top