Алдарт “Муурууд” мюзикл Хятадын тайзнаа тоглогдож байна

Хөгжмийн зохиолч Эндрью Лойд Уебберийн “Муурууд” мюзикл гурван сарын турш Хятадын томоохон хотуудаар тоглогдохоор болжээ. Энэ сарын 07-ны өдөр Шанхай хотын тайзнаа анхлан тоглогдсон байна. “Муурууд” мюзикл гурван сарын хугацаанд Вүхан, Бээжин, Вүши, Нанжин, Ченгдү хотуудын тайзнаа тавигдах юм.

“Муурууд” мюзикл одоогоос 38 жилийн өмнө буюу 1981 оны тавдугаар сарын 11-ний өдөр Лондон хотын театрын тайзнаа тавигдаж байсан билээ. Нэрт зохиолч Т.С.Элиотын ижил нэрт номоос сэдэвлэсэн уг мюзикл дэлхийн театрын бүх нэр хүндтэй шагнал хүртсэн алдартай мюзикл юм.