Нагоя башё: Кадобан Такакэйшёотой шинэ банцүкэ

Японы сүмо бөхийн холбооноос ирэх сард Нагоя хотод эхлэх мэргэжлийн сүмогийн долоодугаар сарын тэмцээний банцүкэг зарлалаа. Зүүн жигүүрийг ёкозүна Какүрюү манлайлж, их аварга Хакүхо баруунд бичигджээ. Какүрюү ёкозүна цолтой 32 башё барилдаж байгаа нь түүхэнд 10-т бичигдэх амжилт болж байна. Хакүхо аварга цолтой 72 тэмцээнд зодоглосноор түүхэнд 1-т жагсдаг билээ.

Өнгөрсөн тэмцээнд озкэи цолтой барилдсан Такакэйшёо Нагояд кадобан болно. Точиношин озэки цолоо эргүүлэн авсан байгаа. Митакэүми дахин сэкивакэ болсон бол Аби, Рюүдэн хоёр анх удаа комүсүби цолтой барилдана. Өнгөрсөн тэмцээнд маэгашира цолтой түрүүлсэн Асанояма маэгаширагийн тэргүүн бөх болжээ.

Озэки асан Тэрүнофүжи макүшитад дэвшсэн. Энэ зиндаанд Хоошёорюү, Роога, Ёошёояма гэсэн манай шинэ залуучууд барилдана.  

Дээд зиндаа

Монгол бөхчүүд

Жюүрёо

Б-1 Азүмарюү С.Тодбилэг 

З-3 Чиёошёома Г.Мөнхсайхан

З-5 Кёкүшюүхо Т.Эрдэнэбаатар

З-9 Миторюү Б.Төрболд

Б-9 Кирибаяма Б.Лхагвасүрэн

Б-10 Араваши Э.Дөлгөөн

Макүшита

З-1 Сэйро А.Өнөболд 

Б-2 Хоошёорюү С.Бямбасүрэн

З-22 Сакигакэ Я.Баттүшиг

Б-22 Кёкүсоотэн Э.Энхманлай

З-27 Гоочёозан Д.Ууганбаатар

З-49 Кагамио Б.Нанжид 

Б-57 Роога А.Амарсанаа

Б-58 Ёошёояма Б.Анхбаяр

З-59 Тэрүнофүжи Г.Ган-Эрдэнэ

Санданмэ

З-21 Саданохикари Д.Наранцогт 

З-96 Дайтэнма Н.Чинзориг