Сагсан бөмбөг: ДАШТ-д оролцох АНУ-ын шигшээ баг

АНУ-ын сагсан бөмбөгийн шигшээ багийн ерөнхий менежер Жерри Коланжело ирэх наймдугаар сард Хятадад эхлэх ДАШТ-д урьдчилсан байдлаар 20 тоглогч дуудсанаа зарлалаа.

Наймдугаар сарын 5-9-нд Лас-Вегаст болох цугларалтад Харрисон Барнс (Сакраменто), Брэдли Бил (Вашингтон), Энтони Дэвис (Шинэ Орлеан), Андре Драммонд (Детройт), Эрик Гордон, Жеймс Харден, Пи Жей Такер (бүгд Хьюстон), Тобайас Харрис (Филадельфи), Дэмиан Лиллард, Си Жей Макколлум (хоёул Портленд), Кевин Лав (Кливленд), Кайл Лаури (Торонто), Крис Миддлтон, Брук Лопес (хоёул Милуоки), Майлз Тернер (Индиана), Кемба Уокер (Шарлотт), Кайл Кузма (Лейкерс), Пол Миллсэп (Денвер), Донован Митчелл (Юта), Жейсон Тейтум (Бостон) нар оролцоно.

Сагсан бөмбөгийн ДАШТ наймдугаар сарын 31-нээс есдүгээр сарын 15-нд явагдана.

“Голден Стэйт” багийн Стефен Карри дэлхийн аваргад оролцож магадгүй байгаа. USA Today-д ярилцлага өгөхдөө тэр “Би хоёр ДАШТ-д тоглосон ч олимпод оролцож байгаагүй. Хүмүүс олимпын наадамд уур амьсгал огт өөр гэж ярьдаг болохоор сонирхол бол бий” гэж хэлжээ.