Тедди Ринер Монреальд зодоглоно

Олимпийн хошой, дэлхийн 11 удаагийн аварга жүдоч Тедди Ринер 2017 оны ДАШТ-ээс хойш барилдаагүй байгаа. Түүнийг тэмцээнд орох нь, Гран Прид зодоглох нь гэсэн яриа байнга гарч, Тедди барилдахгүй байсаар энэ тухай мэдээг хүмүүс сонирхохоо больжээ. Гэхдээ энэ удаад Францын нэгэн хэвлэлд гарснаар Тедди долоо хоногийн дараа эхлэх “Монреаль Гран При” тэмцээнд оролцох гэж байгаа гэнэ. Энэ тэмцээнд биеэ халаагаад ирэх наймдугаар сарын ДАШТ-д зодоглож, олимпын эрхээ авах бодолтой байгаа ажээ.  

“Монреаль Гран При” тэмцээн энэ сарын 5-7-нд болох бөгөөд 60 улсын 319 тамирчин оролцохоо мэдүүлгээ өгчээ. Тедди Ринер одоогийн байдлаар дэлхийн чансааны 35-д бичигдэж байгаа ч олимпын чансаанд багтаагүй байгаа.