Такакэйшёо 2 башёд озэки цолоо алдлаа
Энэ сарын 7-нд Нагоя хотод сүмо бөхийн Долоодугаар сарын тэмцээн эхлэх гэж байна. Өнгөрсөн тэмцээнд шинэ озэки цолтой барилдаад 50 хувийн амжилт үзүүлж чадаагүй Такакэйшёо Нагояд кадобан болоод байсан билээ. Баруун өвдгөндөө хүнд гэмтээд байсан түүний Нагояд барилдах эсэх нь бөх сонирхогчдын анхаарлыг татаж байсан.
Такакэйшёо өөрөө барилдана гэж байсан ч Чиганоүра ояката бэлтгэл хийж чадаагүй шавиа дахин эрсдэлд оруулахыг хүссэнгүй. Ийнхүү Такакэйшёо хоёр башёд озэки цолоо алдлаа. Ирэх есдүгээр сарын тэмцээнд тэр сэкивакэ цолтой барилдаж, 10 давбал цолоо эргүүлэн авах юм.
Такакэйшёо сэтгүүлчдэд “Нагоя башёг бүтэн өнжих боллоо. Багшийн шийдвэр бол хууль гэсэн үг. Гэмтлээ бүрэн эдгээгээд барилдах болно. Озэки цолоо буцаан өгөх боллоо” гэж хэлсэн байна.
Холбоотой мэдээ
Сэтгэгдэл ( 0 )