3x3 FIBA: Монголын шигшээ баг хасагдах шатанд шалгарлаа

2019 оны 08 сарын 23

Малайз улсад 3x3 сагсан бөмбөгийн 18 хүртэлх насны Азийн Цомын тэмцээн “FIBA 3x3 U18 Asia Cup” тэмцээн энэ сарын 22-24-нд явагдаж байна. Нийт 17 баг оролцож байгаа тус тэмцээнд манай эрэгтэй, эмэгтэй шигшээ багууд хүч сорьж байгаа.

Өчигдөр хэсгийн тоглолтууд явагдлаа. Манай эрэгтэй баг Шри Ланка улсын багийг 21:6 ялсан ч Шинэ Зеландын шигшээд 17:19 ялагдлаа.

Харин охидууд Казахстаны багийг 18-15 ялаад Азийн хүчтэй баг Австралид 5:14 ялагджээ.

Ийнхүү манай хоёр шигшээ баг хэсгээсээ хоёроор гараад байна.

Эрэгтэйчүүдийн шигшээ баг маргааш 14.00 цагаас D хэсгийн нэгдүгээр багтай тоглоно. Тус хэсэгт Австрали, Казахстан Киргизийн багууд багтаж байгаа.

Охидын шигшээ баг мөн маргааш 13.20 цагаас D хэсгийн нэгдүгээр багтай тоглоно. Эмэгтэйчүүдийн D хэсэгт Шри-Ланк, Япон, Тайландын багууд орсон билээ.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top