Н.Төгцогт аравдугаар сард тулалдана

2019 оны 09 сарын 02

Ц.Энхтүвшин  "Таван цагариг"

Мэргэжлийн боксын IBO холбооны дэлхийн аварга, Сонирхогчдын боксын Олимп, дэлхийн мөнгөн медальт Нямбаярын Төгсцогтийн дараагийн тулаан 10 дугаар сард болохоор товлогдлоо. Мэргэжлийн боксын рингэнд ганц ч ялагдаагүй босоо яваа King Tug Төгсцогт маань WBC-ийн чансаанд нэгдүгээрт бичигдэж буй бөгөөд WBC-ийн журам ёсоор дэлхийн аварга Гэри Рассельтай тулалдах болзлоо хангасан билээ. Гэвч Гэри Рассель манай тамирчинтай тулалдахаас татгалзаж, өөр боксчинтой аварга цолоо хамгаалах тулаан хийж ялалт байгуулсан, өнгөрсөн тавдугаар сард.

Үүний дараа WBC холбооноос Гэри Рэссельд хэрэв Төгсцогттой наймдугаар сард багтаж тулалдахгүй бол WBC-ийн аваргын цол, бүсийг хураах анхааруулга өгсөн боловч тэрбээр манай Төгсөөтэй тулаан хийх тохиролцоо хийсэнгүй. Гэри WBC-ийн цолоо аваргын цолоо алдсан ч WBA-ийн аварга Лео Санта Крузтай тулаан хийх сонирхолтой байгаа билээ.

Одоо WBC "Бага" Гэри Расселиас аваргын бүсийг хураавал эзгүйрэх аваргын "сэнтийд" манай Төгсцогтыг өргөмжлөх үү? Эсвэл хэн нэгэнтэй тулаан хийлгэх үү гэдгийг бас шийдэх ёстой.Ямар ч байсан Төгсөө маань сар гаруйн дараа рингэнд дахин гарах нь.

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Иргэн(64.119.24.80) 2019 оны 09 сарын 15

Бэлтгэл багадаад гэмтэл авах эрсдэлтэй

1  |  0
Иргэн(59.153.115.47) 2019 оны 09 сарын 15

Тоглолтондоо сайн бэлдэх хэрэгтэй өмнөх тоглолт тааруухан байсан шүү

1  |  0
Galsan(112.72.12.6) 2019 оны 09 сарын 15

Tugsuu odoo zugeer zodoldood yahav uur holboonii busnii tuluu uz

1  |  0
Top