ТЕГ-ын томилгоог хууль бус гэж үзэн Үндсэн хуулийн цэцэд ханджээ

Б.Гантуяа | Zindaa.mn
2019 оны 09 сарын 12

Нийслэлийн Баянзүрх дүүргийн иргэн Ш.Амгалан Үндсэн хуулийн Цэцэд хандаж, Засгийн газрын 2017 оны арваннэгдүгээр сарын 1-ний өдрийн Тагнуулын ерөнхий газрын даргыг томилох тухай тогтоол Үндсэн хуулийн 45.1 дэх хэсгийг зөрчсөн хэмээн өргөдөл гаргажээ.

Үүнд Үндсэн хуулийн Цэцийн гишүүн Н.Чинбат хариу өгч, өргөдлийг нь буцаажээ. Тодруулбал, түүний ирүүлсэн Тагнуулын ерөнхий газрын даргыг томилсон томилгооны асуудлаар Цэцэд хандахаас өмнө Засгийн газар болон УИХ-д хандсан байх бөгөөд уг нөхцлийг хангаагүй тохиолдолд өргөдлийг хүлээн авах боломжгүй гэж үзэж өргөдлийг буцаасан байна. Тиймээс иргэн Ш.Амгалан энэ дагуу УИХ, Засгийн газарт бичиг явуулсан бөгөөд аль аль нь хуулийн хугацаандаа хариу өгөлгүй эс үйлдэл хийсэн тул дахин Цэцэд хандаж байгаагаа мэдэгджээ.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top