Чөлөөт бөхийн ДАШТ: С.Цэрэнчимэд олимпын аваргатай барилдана

Автор | Zindaa.mn
2019 оны 09 сарын 18

Казахстаны Нур-Султанд болж байгаа бөхийн төрлийн ДАШТ эмэгтэй чөлөөт бөхийн тэмцээнээр үргэлжлэн явагдаж байна. Өчигдөр манай дөрвөн бөх барилдсанаас эмэгтэйчүүдийн 55 кг-ын жингийн Б.Болортуяа дагах барилдаанд Кыргызстаны Мадина Надыроватай барилдана. Түүнийг ялахад хүрэл медалийн төлөө Туркийн Бедиха Гунтай барилдах юм.

Өнөөдөр эмэгтэйчүүдийн дөрвөн жингийн барилдаантай. Олимпын 57 кг, 76 кг болон олимпын бус 59, 65 кг-ын барилдаан болно.

Олимпын жингийн хоёр бөх маань хатуу сугалаа татлаа.

Эмэгтэйчүүдийн 57 кг-ын жинд С.Цэрэнчимэд Японы Кавай Рисакотой таарсан. Кавай домогт Каори Ичёг халз барилдаанд ялж, гэрт нь үлдээгээд ирсэн хүн тул ялагдах эрхгүй. 63 кг-ын жингийн Риогийн олимпын аварга, 2017, 2018 оны дэлхийн аварга, 2015 оны ДАШТ-ий мөнгөн медальт,  Азийн гурван удаагийн аварга, Азийн наадмын хүрэл медальт.

76 кг-ын жинд О.Бурмаа 2018 оны Азийн наадмын аварга Хятадын Киан Жоутай таарсан. Чжоу бол Азийн АШТ-ий алт, хүрэл медальт, дэлхийн аваргын мөнгө, хүрэл медальтай.  Түүнийг ялахад 2017 оны дэлхийн аварга Ясмин Адартай барилдана. Ясмин 2018 оны ДАШТ-ий мөнгөн медальтай. Европын аваргад сүүлийн дөрвөн жил босоо байгаа бөх. Энэ талд ОХУ-ын Екатерина Букина, 2016 оны олимпын аварга  Эрика Вейбе, Европын наадмын аварга Василиса Марзалюк нар оржээ.

Эмэгтэйчүүдийн 59 кг-ын жинд Б.Шоовдор Румын улсын Катерина Жидачевскатай барилдана.

65 кг-ын жинд Х.Болортуяа Украины Ирина Коляденкотой таарсан.

Сэтгэгдэл ( 8 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
бөб (43.228.129.86)  2019 оны 09 сарын 18

цэвэр ялагдсан

0  |  0
Зочин (202.126.88.204)  2019 оны 09 сарын 18

Цэрэнчимэд юу болов

0  |  0
Жаргал (202.126.89.16)  2019 оны 09 сарын 19

Орхон маань байсан бол гэж.бас л бярдаж байдаг буян шүү

2  |  0
ДАШ  (202.126.88.142)  2019 оны 09 сарын 18

МАНАЙ БӨХЧҮҮД ,БАРИЦ АВАНГУУТАЙ ,МЭХЭЭ ХИЙДЭГҮЙ , ЭСРЭГ БӨХӨӨ ХӨДӨЛГӨЖ БАРИЛДАХГҮЙ НЭГ ДУТАГДАЛ БАЙДАГ ,МЭХНЭЭС -МЭХДАМЖИЖ БАРИЛДАХ НЬ ЧУХАЛ ШҮҮ !!!

0  |  0
Иргэн (202.170.80.25)  2019 оны 09 сарын 19

Адилхан л аварга биз д. Цаад бөх нь олимпийн аварга бол манай бөх ч бас дэлхийн аварга ш тэ. Ялгаа байхгүй ээ. Ялаад л гарна.

3  |  0
Иргэн (66.181.182.218)  2019 оны 09 сарын 19

Амжилт. Байдгаа зарцуулаад л үз. Үр дүн нь яахав ээ

3  |  0
bi (139.5.217.106)  2019 оны 09 сарын 19

Tserenchimed duu min yaln shuu.bagsh nar n harj bg shuu shavia

2  |  0
эгэл (66.181.182.36)  2019 оны 09 сарын 19

Аваргыг ялж байж л аварга болдог гэдэг ээ. АМЖИЛТ

3  |  0
Top