Чөлөөт бөхийн ДАШТ: С.Цэрэнчимэдийн Кавайтай хийсэн барилдааны бичлэг

Казахстаны Нур-Султанд болж байгаа бөхийн төрлийн ДАШТ эмэгтэй чөлөөт бөхийн тэмцээнээр үргэлжлэн явагдаж байна.

Эмэгтэйчүүдийн 57 кг-ын жинд С.Цэрэнчимэд Японы 63 кг-ын жингийн Риогийн олимпын аварга, 2017, 2018 оны дэлхийн аварга, 2015 оны ДАШТ-ий мөнгөн медальт,  Азийн гурван удаагийн аварга, Азийн наадмын хүрэл медальт бөх Кавай Рисакотой таарсан.  

Барилдаан эхлүүт зүүн хөлд орсон Рисако хоёр оноо авч, дагуулж эргүүлж, оноогоо хоёр хоёроор ахиулсаар 38 секундэд10:0 харьцаагаар цэвэр яллаа.

Рисако Кавай дараагийн барилдаануудад ялсан тул С.Цэрэнчимэд Эквадорын Лиссетте Антестэй дагаж барилдах болсон. Антес Панамерикийн нэг алт, гурван хүрэл медальтай.