Дараагийн 2 тоглолтод оноо алдвал Вальвердег хална

Испанийн алдарт “Барселона” баг дасгалжуулагчаа халахад ойрхон байна. “Барса” лигийн эхний таван тоглолтод дөнгөж долоон оноотой байгаа нь сүүлийн 25 жилд анх тохиолдож байгаа сөрөг рекорд юм.

“Барселона” багийн удирдлага дараагийн хоёр тойрогт оноо алдах юм бол Эрнесто Вальвердег хална” гэж AS мэдээллээ.

Зургаадугаар тойрогт “Барса” талбай дээрээ “Вильярреал”-ыг хүлээн авна. Харин дараа нь “Хетафе”-гийн талбайд зочлох юм.

Вальверде 2017 оноос “Барса”-г удирдахдаа лигт хоёр түрүүлж, Испанийн Супер Цом, Испанийн Цомын тэмцээнд аваргалж байв.

Атлетик – Барселона 1 : 0  

Барселона – Бетис 5 : 2

Осасуна - Барселона 2: 2   

Барселона – Валенси 5 : 2  

Гранада – Барселона 2 : 0