Илхом Баротов Тажикстаны шигшээгээс хасагдлаа

“Катар 2022” дэлхийн аваргын тэмцээний урьдчилсан шатанд Монголын шигшээ багтай нэг хэсэгт өрсөлдөж байгаа Тажикстаны шигшээ баг нэг тоглогчоо сахилга бат зөрчсөн хэргээр багаасаа хасжээ.

“Истравшан” багийн хагас хамгаалагч Илхом Баротов УАШТ-ий 17 дугаар тойрогт “Хатлон” багтай тоглохдоо зодоон өдүүлсэн хэргээр шигшээ багаас хасагдсан байна. Баротов энэ сарын 15-нд Японтой хийх тоглолтыг өнжинө. Дахин шигшээ багт дуудагдах эсэх тодорхойгүй байна. Тэрээр мөн мянган сомони буюу 103 ам.долларын торгууль хүлээжээ.