Д.Коркиний тэмцээнд оролцох алдартнууд

ЗХУ-ын гавьяат дасгалжуулагч агсан Дмитрий Коркиний нэрэмжит олон улсын тэмцээн энэ сарын 11-13-нд ОХУ-ын Якутск хотын “Триумф” спортын ордонд болно.

Шагналын нийт сайн 130 мянган доллар бөгөөд алтан медаль 5000, мөнгөн медаль 3000, хүрэл медаль 2000 долларын шагналтай. Мөн жин тус бүрийн аварга бөхийн дасгалжуулагч нь мянган доллар авах юм.

Тус тэмцээний түүхэнд 2008-2018 оны хооронд Якутскт 17 олимпын медальтан зодоглож байлаа. Үүнээс Таха Акгюль (Турк) 2010 онд оролцсон ч медаль авч чадаагүй. Риогийн олимпын аварга Сослан Рамонов өнгөрсөн жил хүрэл медаль хүртсэн юм. Артур Таймазовын сэргээшний хэргээр олимпын аварга болсон Ираны Комейл Гасеми мөн оролцож байсан билээ.

Ингээд энэ жилийн Дмитрий Коркиний нэрэмжит тэмцээнд оролцох алдартнуудыг танилцуулж байна.

Азербайжан

Гажи Алиев (65 кг), Европын 3 удаагийн аварга, Европын наадмын аварга, дэлхийн 3 удаагийн аварга, 2016 оны олимпын хүрэл медальт.

Хажимурад Гажиев (74 кг), Европын наадмын медальт.

Абубакр Абакаров (79 кг), Идэрчүүдийн ДАШТ-ий хоёр медальтай.

Беларусь

Нюргун Скрябин (65 кг), Оюутны дэлхийн аваргын хүрэл медальт, Якутск, Красноярск, Иран, Эстонийн олон улсын тэмцээнүүдийн аварга.

Иван Янковский (92 кг), 2018 оны дэлхийн аваргын мөнгөн медальт, Европын АШТ-ий хоёр медальтай.

Унгар

Иштван Вереб (86 кг), Дэлхийн аваргын нэг, Европын аваргын хоёр медальтай, 2008, 2016 оны олимпод оролцсон.

Даниель Лигетти (125 кг), Европын АШТ-ий хоёр медальтай. 2012, 2016 оны олимпод оролцсон.

Гүрж

Константин Хабалашвили (65 кг), Европын аваргын медальт, Европын Цомын эзэн.

Давид Тлашадзе (70 кг), Европын аваргын медальт, Европын Цомын эзэн.

Энэтхэг

Амит Кумар (57 кг), Азийн аварга, ДАШТ-ий медальт.

Рахул Аваре (61 кг), Азийн аваргын 3 медальтай, 2019 оны ДАШТ-ий медальт.

Сушил Кумар (74 кг), Дэлхий, Азийн аварга, Олимпын мөнгө, хүрэл медальт.

Гэхдээ Энэтхэгийн шигшээ баг санхүүгийн асуудлаа шийдэж чадахгүй бол Якутскт очихгүй гэнэ.

Куба

Йовлис Бонне Родригез (61 кг), 2018 оны дэлхийн аварга, Панамерикийн аварга, 2012, 2016 оны олимпод оролцсон.

Турк

Чингисхан Эрдоган (65 кг), Европын 3 удаагийн аварга.

Япон

Казүя Коянаги (57 кг), Дэлхийн Цом, Азийн АШТ-ий медальт.

Юдай Фүжита (61 кг), Азийн аваргын медальт, Оюутны дэлхийн аварга.

Монгол

Т.Түвшинтулга (61 кг), Оюутны дэлхийн аварга, ДАШТ, Азийн аваргын медальт.

Н.Золбоо (125кг), Азийн АШТ-ий 5 медальтай.

ОХУ-ын бүс нутгаас

Буриад

Александр Богомоев (61 кг) Европын наадмын аварга, дэлхийн Цомын эзэн.

Евгений Жербаев (70 кг), Европын залуучуудын АШТ-ий медальтай.

Красноярск

Анзор Уришев (92кг), Европын хошой аварга, 2012 оны олимпод оролцсон.

P.S. Харамсалтай нь олимпын аварга Сослан Рамонов хүндэтгэх шалтгаанаар оролцож чадахгүй болжээ.