Хоошёорюү аварга ахынхаа бүсээс адис авлаа

2019 оны 10 сарын 09

Мэргэжлийн сүмогийн их аварга Асашёорюүгийн авга дүү Хоошёорюү хэмээх С.Бямбасүрэн бол Арлын орны дэвжээнд удамт бөх гэдгээ харуулж яваа залуу. Сүмо бөх болсноосоо хойш 11 башё барилдаад жюүрёо зиндаанд дэвшиж, цолтой бөхчүүдийн эгнээнд элссэн С.Бямбасүрэн саяхан Монголдоо ирж, цолны мялаалгаа хийлээ. “Асашёорюү ахынхаа 25 түрүүлсэн амжилтыг давах зорилготой” гэж чанга гэгч нь зарлаад байгаа түүнийг Японы хэвлэл мэдээлэл “Хоёр дахь Асашёорюү” гэж нэрлэдэг болсон. Хоошёорюү Монголдоо ирээд юуны өмнө Асашёорюү аваргын оффист очиж, ахынхаа ёкозүнагийн цүна хэмээх хүндэтгэлийн олсонд мөргөж, адис хүртлээ.

Мялаалгын үеэр ах дүү, нутгийн олноос түүнд хурдан морь, халзан хонь зэрэг олон бэлэг гардуулсан ч нэгэн онцгой бэлэг олны анхаарлыг татсан. Түүний бас нэгэн авга ах болох “S&Royal” группийн ерөнхийлөгч Д.Сэржбүдээ “Газком” компанийхаа логотой гоёлын маваши бэлэглэх болсноо зарласан. Гоёлын маваши гэдэг нь цолтой бөхчүүд дэвжээнд гарах ёслол үйлдэхдээ зүүдэг өмсгөл. Хамгийн хямд нь 10 мянган долларын үнэтэй бөгөөд ихэнх тохиолдолд ивээн тэтгэгч, дэмжигчдийн нийгэмлэгээс олгодог. Их аварга агсан Чиёонофүжи алмаз эрдэнээр чимэглэгдсэн нэг сая ам.долларын үнэтэй гоёлын мавашитай байв.

Сэтгэгдэл ( 7 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Аса(192.82.64.251) 2019 оны 10 сарын 10

Тэгэж бодохгүй л байнашүү зээ минь \n

0  |  0
mende(64.119.18.231) 2019 оны 10 сарын 10

Yvaandaa yah bl . gevch muruuduld mungu tuluh bishdee . ih tom orilood bailgui beltgelee l sn hii!

2  |  0
zochin(202.9.45.51) 2019 оны 10 сарын 10

aaviin taliig avguud genee

1  |  0
Гайхав(202.55.188.33) 2019 оны 10 сарын 09

Харин гайхаад л байна. Үеэл байж магадгүй. Эсвэл аавийнх нь бага дүү нь юм болов уу.

0  |  0
bandash(103.57.93.227) 2019 оны 10 сарын 12

bandaashand murugsun bna xaxaxa

1  |  0
avga duu(66.181.164.214) 2019 оны 10 сарын 09

avga duu gej yamar holbootoi huniig heldeg yum bol

1  |  1
Bud (24.19.4.149) 2019 оны 10 сарын 10

Jaahan daruuhan baival yasiin. Huuhee.

1  |  1
Top