Abu Dhabi Grand Slam: Монгол бөхчүүдийн эхний өдрийн барилдааны бичлэг

АНЭУ-ын Абу-Даби хотод жүдо бөхийн Их Дуулга “Abu Dhabi Grand Slam 2019” тэмцээн үргэлжилж байна. Тэмцээний эхний өдөр эмэгтэй 48, 52, 57 кг, эрэгтэй 60, 66 кг-ын жингийн барилдаан боллоо. Манай тамирчдаас Г.Хэрлэн хүрэл медалийн төлөө барилдаж, ялагдсанаар манай баг медальгүй эхний өдрийг өндөрлүүллээ.

Эмэгтэй

48 кг

1. БИЛОДИД Дарья (Украин)

2. СТАНГАР Маруса (Словен)

3. КОСТА Катарина (Португал), МЕНЗ Катарина (Герман)

48 кг-ын жинд ОУХМ Г.Наранцэцэг эхний тойрогт Туркийн Гулкадер Сентюрктэй барилдаж, торгуулиар цэвэр ялсан.

Дараагийн тойрогт Европын наадмын хүрэл медальт Словений Маруса Стангартай барилдаж, ялагдлаа.

52 кг

1. КЕЛМЕНДИ Майлинда (Косово)

2. ГУИФФРИДА Одетт (Итали)

3. ГИЛС Челси (Их Британи), ПАРК Да Сол (БНСУ)

Монгол Улсын гавьяат тамирчин М.Уранцэцэг эхлээд Алжирын Файза Айссахинетэй таарч, цэвэр ялсан.

Дараагийн тойрогт Их Британы Челси Жайлест вазари үнэлгээгээр ялагдсан.

ОУХМ Б.Хорлоодой эхний тойрогт ОХУ-ын Анастасья Поликарповад цэвэр ялагджээ.

57 кг

1. КИМ Жин А (БНАСАУ)

2. КИСИК Сара Леон (Франц)

3. ЖИГАРОС Диана (ОХУ), КИМ Жанди (БНСУ)

Эрэгтэй

60 кг

1. КЫРГЫЗБАЕВ Гусман (Казахстан)

2. ХЬЯР Валид (Франц)

3. АБДУЛАДЗЕ Яго (ОХУ), УРОЗБОЕВ Диёрбек (Узбекистан)

ОУХМ Энхтайваны Ариунболд Монакогийн Янн Сиккардиг цэвэр ялсан. Дараа нь Их Британийн Эшли Макензиг вазари үнэлгээгээр ялж, шилдэг наймд шалгарсан.

Хэсгийн аваргын төлөө ОХУ-ын Яго Абузазед цэвэр ялагдлаа.

Дагах барилдаанд Бразилийн Фелипе Пелимд нэмэлт цагт цэвэр ялагдав.

ОУХМ Лхагважамцын Өнөболд эхний тойрогт БНАСАУ-ын Ан Жэ-Ёныг нэмэлт цагт вазаригаар ялсан.

Дараа нь Роберт Мшвидобазед вазари үнэлгээгээр ялагджээ.

66 кг

1. ЛОМБАРДО Мануэль (Итали)

2. САФАРОВ Орхан (Азербайжан),

3. АН Баул (БНСУ), ПОЛАНКО Орландо (Куба)

ОУХМ Ё.Басхүү эхлээд Тажикстаны Ёкубжон Бокиевийг цэвэр ялсан.

Дараа нь Украйны Георгий Зантараяг цэвэр ялсан.

Хэсгийн аваргын төлөө БНСУ-ын Ан Баулд торгуулиар ялагдсан.

Г.Хэрлэнтэй барилдах байсан ч хориотой мэх хийсэн гэж торгуулан, ялагджээ.

ОУХМ Г.Хэрлэн эхлээд ОХУ-ын Якуб Шамиловыг торгуулиар ялсан. Дараа нь Австралийн Натан Катзыг торгуулиар ялсан.

Хэсгийн аваргын төлөө ДАШТ-ий тавдугаар байрт Италийн Мануэл Ломбардод цэвэр ялагдсан.

Дагах барилдаанд барилдалгүй ялалт авч, хүрэл медалийн төлөө Кубын Орландо Поланкод ялагджээ.