Чөлөөт бөх: Дипака Пуния 2019 оны шилдэг залуу тамирчнаар шалгарлаа

Дэлхийн бөхийн нэгдсэн холбооноос 2019 оны шилдэг залуу бөхөөр Энэтхэгийн Дипака Пунияг нэрлэлээ.

Пуния 86 кг-ын жинд барилддаг, 20 настай. Наймдугаар сард Таллинд болсон залуучуудын дэлхийн аваргын тэмцээнд түрүүлсэн. Хамгийн сүүлд энэтхэг бөх залуучуудын ДАШТ-д 2001 онд түрүүлж байжээ.

Нур-Султанд болсон насанд хүрэгчдийн ДАШТ-д Пуния мөнгөн медаль хүртэж, “Токио-2020” наадмын эрхээ авсан. Дөрөв дараалан ялсан ч гэмтээд алтан медалийн төлөө Ираны олимпын аварга Хасан Язданитай барилдах байсан ч барилдаагүй билээ.

Нур-Султанд Энэтхэгийн багийн Баджранг Пуния (65 кг), Рави Кумар (57 кг) нар мөн олимпын эрх авсан.