Флойд Мэйведер “10 жилийн хамгийн орлоготой тамирчин”-аар шалгарлаа

АНУ-ын “Forbes” сэтгүүлийн газраас 2010-2019 онд хамгийн их орлого олсон тамирчныг тодрууллаа.

Энэ арван жилд 915 сая долларын орлоготой ажилласан мэргэжлийн боксын Флойд Мэйведер жагсаалтыг тэргүүллээ. Хоёр, гуравдугаар байрыг Криштиану Роналду, Лионель Месси гэсэн хөлбөмбөгчид эзэлжээ.

Энэхүү чансааг тодруулахдаа цалин, шагналын мөнгө, зар сурталчилгааны орлогыг тооцсон байна.

“10 жилийн хамгийн орлоготой” 10 тамирчин

1. Флойд Мэйведер (бокс) – 915 сая ам.доллар

2. Криштиану Роналду (хөлбөмбөг) – 800

3. Лионель Месси (хөлбөмбөг) – 750

4. Леброн Жеймс (сагсан бөмбөг) – 680

5. Рожер Федерер (теннис) – 640

6. Тайгер Вудс (гольф) – 615

7. Фил Микельсон (гольф) – 480

8. Мэнни Пакьяо (бокс) – 435

9. Кевин Дюрант (сагсан бөмбөг) – 425

10. Льюис Хэмилтон (Формула-1) – 400