ОУОХ: Шүүхийн шийдвэрийн дараа ОХУ-ын хувь заяаг шийднэ

ОХУ-ын тамирчдыг олимпын наадмаас дөрвөн жилийн хугацаатай хасах шийдвэрийг WADA-гийн Гүйцэтгэл зөвлөлөөс өнгөрсөн сарын 9-нд гаргасан билээ.

ОХУ-ын допингийн эсрэг агентлаг РУСАДА энэ шийдвэрийг Олон улсын спортын арбитрын шүүхэд давж заалдана гэдгээ мэдэгдээд байгаа. Одоогийн байдлаар шүүхээс хэзээ шийдвэр гаргах нь тодорхой болоогүй байна.

Энэ талаар ОУОХ-ны төлөөлөгч Марк Адамс “Оросын тамирчдыг “Токио 2020” олимпын наадамд оролцуулах эсэхийг бид Спортын арбитрын шүүхийн эцсийн шийдвэрийн дараа гаргана” гэж мэдэгджээ.