Шатар: Вэньцзюнь, Горячкина нарын 7 дахь өрөг тэнцээгээр өндөрлөлөө

Эмэгтэйчүүдийн дэлхийн аваргын титмийн төлөөх өрсөлдөөний хоёр дахь хэсэг ОХУ-ын  Владивостокт эхэллээ. Аварга цолыг эзэмшигч Хятадын Цзюй Вэньцзюнь цол горилогч ОХУ-ын Александра Горячкина нар Шанхайд болсон зургаан өргийг 3:3 харьцаатай тэнцээгээр өндөрлүүлсэн.

Өчигдөр /2020.01.16/ долоо дахь өрөг явагдаж, хараар тоглосон орос бүсгүй 67 дахь нүүдэл дээр тоглолтыг тэнцүүлж чаджээ.

Тоглолтын харьцаа 3,5:3,5 боллоо. Шатарчид долоо тоглохдоо тус бүр нэг ялж, таван өрөг тэнцсэн. Одоо таван өрөг дутуу, хэрэв тэнцвэл тай-брейкээр аваргаа шалгаруулах юм.

Тэмцээний шагналын сан 500 мянган евро.