Айко гүнж Аса аваргыг шүтдэг
Японы хаан Нарүхито, хатан Масако, гүнж Айко нар энэ сарын 25-нд "Кокүгикан" ордонд Хацү башё үзэж сонирхлоо.
Хааны гэр бүлд Сүмогийн холбооны тэргүүн Хаккакү ояката тайлбар хийсэн байна. Гэхдээ Айко гүнж бол тайлбар сонсох хэрэггүй, сүмо бөхийг сайн мэддэг бөгөөд манай их аварга Асашёорюүг шүтэн биширдэг.
Айко хамгийн анх 4 настай байхдаа 2006 оны Намрын тэмцээнийг үзсэн. Дараа нь 2007 оны Намрын тэмцээнийг үзэж, энэ удаад гурав дахь удаагаа Кокүгикан ордонд ирж байгаа нь энэ юм.
Хааны ордны нэгэн ажилтан “Айко гүнж цэцэрлэгт байхаасаа сүмод дуртай байсан. Аавтайгаа барилдаж тоглон, бөхчүүдийн мөнгө авахдаа гараа дохидог хөдөлгөөнийг дуурайн тоглодог байлаа. Сүмочдын нэрээс гадна уугуул нутгийг нь ч сайн мэддэг. Хөдөө орон нутгаар явахдаа “Танайх чинь тэр бөхийн төрсөн нутаг биз дээ” гэж асуудаг байсан” гэж ярьжээ.
Тэмцээнтэй үед цэцэрлэгээс харьж ирээд зурагтаа асааж, макүшитагийн барилдаанаас эхлээд бүгдийг нь үзээд суучихдаг байсан гэнэ. Ялангуяа Асашёорюү, Котомицүки хоёрын барилдааныг шимтэн үздэг. Асашёорюүг монголоор “Дагвадорж” гэж хэлдэг байжээ.
2007 оны долоодугаар сард ханхүү Монголд айлчлах үед Айко гүнж Асашёорюүгийн аав, ээжтэй уулзаж байв.
Айко гүнж одоо ямар бөхийг дэмждэг нь тодорхойгүй байна.
Холбоотой мэдээ
Сэтгэгдэл ( 2 )
Эргүүтсэн юм бичиж ярих хүмүүс монголд л байдаг байхдаа. Нэртэйгээр нь монгол хүүхэд гэчихээч. Шинжлэх ухаан цаана чинь хурдацтай хөгжөөд бна. Манайх л сохор сүсгээр ертөнцийг хэмжих юм даа чааваас. Боловсролын яам иргэдээ соён гэгээрүүлэх, боловсролын системээ олон улсын хэмжээнд хүргэх ажлаа сайжруулж хиймээр юмдаа. Яамыг нь дандаа мэргэжлийн бус намын нэртэй хулгайч нар ирж сүйтгэх юм даа. Яаж өөдлөхөв. Иймэрхүү юм улсаараа яриад суухаас чааваас гэж.
Дорноговь аймгийн энергийн уулыг аав нь ирж үзээд олон жил хүүхэдгүй байсан хүмүүст олдсон охин,ханхүү байхдаа зөндөө хөрөнгө оруулалт хийсэн.Яалтчгүй Монголтой холбоотой охин