“Лейкерс” Кобитой салах ёс гүйцэтгэлээ

“Лос-Анжелес” багийн тоглогчид, хөгжөөн дэмжигчид багийнхаа домог Коби Брайанттай “Портленд” багтай хийсэн тоглолт дээр салах ёс гүйцэтгэлээ.
 

НБА-гийн таван удаагийн аварга Коби Брайант нэгдүгээр сарын 26-нд нисдэг тэрэгний ослоор амиа алдсан билээ.

Тоглолтын өмнө “Лейкерс”-ийн тоглогчид Кобигийн 8, 24 дугаартай майк өмссөн байлаа.
 

Мөн пүүзээрээ түүний дурсгалыг хүндэтгэсэн.
 

Тоглолтын өмнө дуучин Ашерийн бичлэгийг гаргасан.

Кобигийн 8, 24 дугаартай өмсгөлийг мандуулж, цэнгэлдэх тэнгэрийн орон болон хувирсан юм.

Тоглолт эхлэхэд Леброн Жеймс 24,8 секунд бөмбөг залж, агуу тамирчныг хүндэтгэсэн.

Леброн 24 дугаартай боолт, нэг тоглогч хуруундаа зүүлт зүүсэн байв.
 

Балиашгууд Кобигийн өмсгөлтэй ирсэн нь ойлгомжтой.
 

Брайант “Лейкерс” багт агуу замналаа өнгөрөөж, таван удаа лигийн аварга болсон. Тэрээр 1346 тоглолтод оролцож, 33643 оноо авсан.