Чөлөөт бөхийн олимпын эрхийн тэмцээнийг Киргиз зохион байгуулна

2020 оны 02 сарын 19

Хятадад гарсан коронавирусийн халдварын улмаас тус улсад болох байсан спортын уралдаан тэмцээнүүд цуцлагдаад байгаа билээ.

Дэлхийн бөхийн нэгдсэн холбооноос гуравдугаар сарын 27-29-нд Хятадын Сианд болох байсан Ази тивийн олимпын эрхийн эрэгтэй, эмэгтэй чөлөөт бөх, сонгомол барилдааны тэмцээнийг цуцаллаа.

Олимпын эрхийн тус тэмцээнийг зохион байгуулахаар Энэтхэг, Өмнөд Солонгос, Казахстан, Узбекистан улсууд нэр дэвшүүлсэн ч холбооноос Киргизийг сонгожээ.

Тэмцээн гуравдугаар сарын 27-29-нд Бишкек хотод болно. Хүлээн авч байгаа тал Хятадын бөхчүүдийг хүлээн авч, 14 хоног карантинд байлгасны дараа тэмцээнд оруулах зардлыг хариуцна. Хятадын тамирчдыг эмнэлгийн хатуу хяналтад байлгах юм.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top