Коронавирус: Сүмочдын хамтарсан бэлтгэлийг цуцалжээ

2020 оны 02 сарын 19

Шинэ төрлийн коронавирусийн халдвар Японд тархаж байгаа тул Сүмо бөхийн холбооноос энэ сарын 28-нд Осака хотын “GRAND FRONT OSAKA”-д болох байсан “Нишёоносэки” галын бөхчүүдийн хамтарсан бэлтгэлийг цуцалснаа зарлалаа.
 


Энэхүү бэлтгэл нь ирэх сарын 8-нд Осакад эхлэх мэргэжлийн сүмо бөхийн Хаврын тэмцээний өмнө тогтмол зохион байгуулагддаг бэлтгэл байлаа. “Нишёоносэки” гал озэки Такакэйшёо, сэкивакэ Такаясү зэрэг алдартай бөхчүүдтэй, олон хүн үздэг байв. Гэвч Сүмо бөхийн холбооноос сүмочид, засуул, ояката, үзэгчдийн эрүүл мэндийг нэн түрүүнд анхаарах шаардлагатай байна гэж мэдэгдсэн.

Одоогийн байдлаар Японд коронавирусийн халдвар гарсан тохиолдол 616 гарснаас 542 нь Ёкохама боомт дээр хөл хорионд орсон "Даймонд Принцесс" хөлөг онгоц, Уханиас иргэдээ авчирсан онгоцноос 13 тохиолдол илэрч, нэг хүн амиа алдаад байгаа билээ.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Нymka Hymka(66.181.161.24) 2020 оны 02 сарын 19

3 сарын башёо болох ююм бол вуу

0  |  0
Мөнхжаргал(66.181.189.119) 2020 оны 02 сарын 19

3 - р сарын башёо ч болохгүй биз

0  |  0
Top