С.Эрдэнэ стратегийн ордуудыг ашиглах хуулийн төсөл боловсруулжээ

Монгол Улсад стратегийн ач холбогдол бүхий 55 орд байгаа бөгөөд эдгээрийн нэг нь Тавантолгой нүүрсний орд юм. Энэхүү ордын талаар УИХ 2010 онд “Тавантолгойн нүүрсний ордыг ашиглах зарим асуудлын тухай” 39 дүгээр тогтоолыг, 2018 онд “Тавантолгойн нүүрсний ордын үйл ажиллагааг эрчимжүүлэх талаа авах зарим арга хэмжээний тухай” 73 дугаар тогтоолыг тус тус баталсан боловч үр дүнд хүрэхгүй байна хэмээн УИХ-ын гишүүн, АН-ын дарга С.Эрдэнэ УИХ-ын чуулганы хуралдааны дэгийн тухай хуульд өөрчлөлт оруулах тухай хуулийн төсөл боловсруулсан байна.

Хуулийн төслийг стратегийн ач холбогдол бүхий ашигт малтмалын ордуудыг ашиглах чиглэлд гаргасан УИХ-ын тогтоол, шийдвэрүүдэд нэн даруй өөрчлөлт оруулах шаардлагын үүднээс боловсруулсан аж. Ингэснээр Үндсэн хуульд заасан байгалийн баялгийн үр өгөөжийг тэгш хүртээх, зүй зохистойгоор ашиглах чиглэлд бодлогын томоохон өөрчлөлт гарна гэж үзжээ.