Моуриньо ахмадуудад тусалж байна

2020 оны 03 сарын 24

Английн хөлбөмбөгийн Премьер лигийн тоглолт дөрөвдүгээр сарын 30 хүртэл хойшлоод байгаа. Учир нь Их Британи коронавирусний халдварын тохиолдлын тоогоор Европт дээгүүр бичигдэж байна. Засгийн газраас 70-аас дээш насны хүмүүсийг гэрээсээ гарахгүй байхыг анхааруулсан. Энэ хориг 12 долоо хоногийн турш хэрэгжих юм.

Энэ хугацаанд “Age UK” сайн дурын байгууллагын гишүүд ахмадуудын гэрт хоол хүнс хүргэн өгч, тусалж байна. Тэдний нэг нь “Тоттенхэм Хотспур” багийн дасгалжуулагч Жозе Моуриньо байлаа.

Жозе “Тоттенхэм” багийн бэлтгэлийн баазын ойролцоо, Лондон хотын хойд хэсгийн Энфилд дүүргийн ахмадуудад хүнс хүргэн өгсөн байна.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top