Бокс: ОХУ олимпын шигшээгээ дахин тодруулна

ОХУ-ын Боксын холбооноос Токиогийн олимпын шигшээ багийн бүрэлдэхүүнээ дахин шинээр тодруулна гэдгээ зарлалаа.

КОВИД-19 вирусийн улмаас Токиогийн олимпын наадам нэг жилээр хойшлогдсон бол Лондонд явагдаж байсан Европ тивийн олимпын эрхийн тэмцээнийг эхлээд гурав хонож байхад нь цуцалсан билээ.

Одоогийн байдлаар ОХУ-ын багаас Альберт Батыргазиев (57 кг) л Токиогийн олимпын эрх аваад байгаа. Шинэ шигшээ багийг энэ оны сүүлээр болох УАШТ-ий дүнгээр шалгаруулах гэнэ.

Олимпын эрхийн тэмцээнд ОХУ-ын шигшээ баг доорх бүрэлдэхүүнтэй оролцсон юм.

Эрэгтэй:

Расул Салиев (52 кг);

Альберт Батыргазиев (57 кг);

Габил Мамедов (63 кг);

Андрей Замковой (69 кг), ахлагч;

Глеб Бакши (75 кг);

Имам Хатаев (81 кг);

Муслим Гажимагомедов (91 кг);

Иван Верясов (+91 кг).

Эмэгтэй:

Светлана Солуянова (51 кг);

Людмила Воронцова (57 кг);

Екатерина Дынник (60 кг);

Саадат Далгатова (69 кг), ахлагч;

Зенфира Магомедалиева (75 кг).