СҮМО: Тэраогийн ах нас баржээ
Мэргэжлийн сүмогийн жюүрёо зиндааны бөх асан Какүрэйзан гуравдугаар сарын 28-нд зүрхний архаг дутагдлын улмаас насан эцэс болжээ. 60 настай байлаа. Түүний оршуулгад зөвхөн ойрын хүмүүс нь оролцсон бөгөөд 49 дэх хоног нь өнгөрсний дараа ийнхүү зарлаж байгаа юм байна.
.jpg)
Какүрэйзан бол сэкивакэ асан Цүрүгаминэгийн ууган хүү бөгөөд 1975 онд аавынхаа дэвжээнд сүмо бөх болон элсэж байлаа. Түүний хоёр дүү ч сүмо бөх болсон бөгөөд хоёулаа сэкивакэ цол хүртэж байсан юм. Дунд хүү Сакахоко “Изүцү” дэвжээг удирдаж байгаад өнгөрсөн жилийн есдүгээр сард хорт хавдраар өөд болсон. Харин отгон хүү Тэрао нь одоо Шикорояма ояката нэрээр холбоонд ажиллаж байгаа билээ.
Цүрүгаминэгийн гурван хүү “Изүцү дэвжээний ах дүү гурав” нэрээр сүмогийн ертөнцөд алдаршиж байв. Гэвч ийнхүү Тэраогийн хоёр ах нь жил дараалан ертөнцийн мөнх бусыг үзүүллээ.
Тэрао сэтгүүлчдэд хандан “Цор ганцаараа үлдчихлээ. Гунигтай, маш хэцүү байна. Өнгөрсөн жилийн энэ өдөр гурвуулаа хамтдаа сакэ ууж байсан сан” гэж дурсан ярьсан байна.
Холбоотой мэдээ
Сэтгэгдэл ( 4 )
сүүлийн 3н сарын хугацаанд коронагаас өөр өвчнөөр үхсэн анхны тохиолдол
Тэрао өөрөө маш гоё,япон маягийн царайтай бөх гэдгээрээ алдартай.Хөөрхийдөө 2 ахаа алдах хэцүү байгаа.
бага нь яалтачгүй өөр эцэгтэй юм байна.
Энэ монгол хүнд тунчиг ач холбогдолгүй мэдээ байна