Усэйн Болт аав боллоо

Хөнгөн атлетикийн түүхэн дэх хамгийн алдартай тамирчин гэж хэлж болох Усэйн Болт 33 насандаа анхны үрийнхээ зулай үнэрлэлээ.

Олимпын найман удаагийн аварга Болтын найз бүсгүй нь Каси Беннетт бөгөөд тэд таван жил хамтдаа амьдарч байна. Одоо болтол гэрбүлээ батлуулаагүй байгаа юм.
 

Ямайкийн Ерөнхий сайд Эндрю Холнесс твиттер хуудсаараа дамжуулан “Домогт тамирчин Усейн Болт, Каси Беннетт хоёртоо охинтой болсонд нь баяр хүргэе” гэж жиргэсэн байлаа.

Болт, Каси нар өөрсдөө олон нийтийн сүлжээгээр баярт мэдээгээ хуваалцаагүй ч фэнүүд нь баяр хүргэсээр байна.