Дэлхийн бөхийн гүрнүүд бэлтгэлдээ орсон уу!

ОХУ-ын спорт бөхийн холбооноос дэлхийн бөхийн гүрнүүд хөл хорионоос хэрхэн гарч байгаа талаар танилцуулжээ.

Иран:

Иранд энэ сард багийн УАШТ эхэлнэ. Тэмцээний дүрэм хуучин хэвээр. Нэг багт Ираны шигшээ багийн 3 гишүүн, гадаадын 2 бөх байж болно. УАШТ үзэгчгүй явагдана. Иранд одоогоор багууд цугларалтад гараагүй байгаа.

Турк:

Зургаадугаар сарын эхээр Туркийн сонгомол, чөлөөт бөхийн шигшээ баг бэлтгэлдээ гарсан. Гэхдээ бүх тамирчин биш. Зөвхөн олимпын жинд, нэг жинд 3 хүртэлх бөх цугларалтад гарч байна. Барилдааны бэлтгэл хориотой тул үндсэн дасгалуудаа хийж байгаа юм.

Герман:

Бөхчүүд дэвжээн дээр гарч болохгүй тул хүчний дасгал хийж байгаа. Багуудын цугларалт эхлээгүй.

АНУ:

Энд муж болгон өөрийн хуультай.

Болгар, Румын, Серби, Македон, Молдав:

Шигшээ багуудыг олимпын баазад байрлахыг зөвшөөрсөн. Гэхдээ одоогоор багийн шилдэг тамирчид л бэлтгэл хийж байгаа. Баазад орохдоо бүгд коронавирусний шинжилгээ өгөх ёстой.

Гүрж, Азербайжан, Франц, Армен, Латви:

Токиогийн олимпын эрх авсан тамирчид л шигшээ багийн баазад орох, бэлтгэл хийх  эрхтэй байна.

Беларусь:

Энд хөл хорио тогтоогоогүй.

Польш, Казахстан, Украин:

Эдгээр улсуудад шигшээ багийн тамирчдыг барилдааны бэлтгэл хийхийг зөвшөөрсөн. Харин Казахстанд шигшээ багийн тамирчдаас халдвар илэрсэн тул дахин цуцалсан.

ОХУ:

Энэ сараас бэлтгэл, цугларалт эхэлнэ.