Чөлөөтийн шигшээ Галтайн аманд цугларалтад гарчээ

Монголын чөлөөт бөхийн үндэсний шигшээ багийн тамирчид энэ зуны 2 дахь удаагийн цугларалтаараа Булган аймгийн Хангал сумд байрлах Галтайн аманд гараад байна.

Бие бялдрын ерөнхий болон тусгай хөгжлийн суурь бэлтгэлээ хангах бэлтгэлд МЧБХ-ны ерөнхийлөгчийг түр орлон гүйцэтгэгч П.Гансүх,  дэд ерөнхийлөгч Н.Дүгэрсүрэн, ерөнхий нарийн бичгийн дарга Б.Батбаяр нар бэлтгэл сургалтын үйл ажиллагаа, хэрэглэл материал, ахуй нөхцөл, тусгай хангамж зэргийг судлан ажиллаж, нэмэлт уураг тэжээлийн хэрэгцээг тодорхойлон газар дээр нь шийдвэрлэлээ гэж Монголын чөлөөт бөхийн холбооноос мэдээллээ.