Видео: ЛеБрон холын шидэлтээр түүхэнд 3-т бичигдлээ

2020 оны 08 сарын 23

Өнөөдөр өглөө Реюньонд Хойд Америкийн сагсан бөмбөгийн НБА лигийн плей-оффын эхний шатны Портленд Трэйл Блэйзерс, Лос-Анжелес Лейкерс багуудын гурав дахь тоглолт болж өнгөрлөө.

Лейкерс баг 116:108 харьцаатай ялсан бөгөөд 38 оноо, 12 самбар, 8 дамжуулалт хийсэн Леброн Жеймс гол үүрэг гүйцэтгэлээ. Дахиад хоёрхон оновчтой дамжуулалт өгсөн бол трипл-дабл хийх байлаа. Гэхдээ энэ тоглолтын дараа тэр холын зайн оновчтой шидэлтээрээ лигийн түүхэнд 3-т бичигдэж эхэлсэн. Өнөөдрийн тоглолтод Жеймс дөрвөн удаа 3 онооны шидэлтээ оруулснаар плей-оффт амжилттай гүйцэтгэсэн холын зайн шидэлтийн тоогоо 375-д хүргэж, Стефен Карри (470), Рэй Аллен (385) нарын дараа орсон юм. Дөрөв дэх тоглолт энэ сарын 25-нд болно.

Портленд – Лейкерс 108:116 (29:25, 28:28, 29:40, 22:23)

AdventHealth Arena

Портленд: Лиллард (34 + 7 дам), Макколлум (28 + 8 сам), Энтони (20), Нуркич (10 + 7 сам), Уайтсайд (8 + 8 сам) – гараа; Трент (6), Хезоня (2), Саймонс (0), Гэбриэл (0).

Лейкерс: Жеймс (38 + 12 сам + 8 дам), Дэвис (29 + 11 сам + 8 дам), Колдуэлл-Поуп (13), Грин (8), Макги (4) – гараа; Карузо (10 + 7 дам), Кузма (7), Ховард (5 + 10 сам), М-ф Моррис (2), Жей Ар Смит (0).

Лейкерс цувралд 2-1 тэргүүлж байна.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top