Сумида-Жипро-гийн Х.Оюунбилэгийг Япон онцоллоо

Монголын хөлбөмбөгийн Дээд лигийн 13 дахь тойргийн тоглолтууд өнгөрсөн амралтын өдрүүдэд явагдлаа. Лигийн анхны оноогоо авч амжаагүй байгаа Сумида-Жипро баг эхний оноогоо авах тун дөхсөн ч 2-3 харьцаатай Улаанбаатар багт ялагдсан юм.

Гэхдээ энэ тоглолтыг Японы спортын СпоНичи сонин онцолсон байлаа. Ингээд тус сонинд гарсан мэдээг орчуулан хүргэе.

“СпоНичи”

“Монголын хөлбөмбөгийн нэгдүгээр лигийн Сумида-Жипро багт Японы Кинг Казү ч гайхахаар нэгэн тоглогч бий. 54 настай хамгаалагч Х.Оюунбилэг энэ өдөр хоёрдугаар хагасын 41 дэх минутад талбайд гарлаа. Тэрбээр өмнө нь Монголын шигшээ багт тоглож явсан тамирчин ч 30 настайдаа зодог тайлсан. Өнгөрсөн жил болтол сонирхогчдын лигт тоглож байсан юм. Харин энэ улирал коронавирусний улмаас Сумида-Жипро баг гадаадаас легионер тоглогч авч чадаагүй тул ахмад тамирчныг эгнээндээ нэгтгэсэн байна. Японы Кинг Казү одоо 53 настай ч мэргэжлийн багт тоглосоор байгаа. Энэ талаар Х.Оюунбилэг “53 настай хөлбөмбөг тоглосоор байгаа Казү үнэхээр гайхалтай тамирчин юм. Надад бас нэгэн дарамт гэж хэлж болох юм. Миний 54 настай талбайд гарсан рекорд эвдэгдэж магадгүй юм” гэж ярьлаа”

https://mycujoo.tv/en/national/mongolian-football-federation-6ax2rs?fbclid=IwAR1yale2VL3rcyRqSIhUtLA3mPvyEmFxG_eKT6Ab63jwUZGZaaUvNibmSDU&id=102550&play=true&tvId=351&utm_campaign=fe_video&utm_content=Sumida-Gepro%20vs%20Ulaanbaatar&utm_medium=social&utm_source=linkcopy