Кёкүсоотэн Э.Энхманлай нэрээ сольжээ

Катаонами дэвжээний монгол бөх Кёкүсоотэн хэмээх Эрдэнэбилэгийн Энхманлай энэ тэмцээнээс нэрээ сольсон байна.

Өнгөрсөн башёд макүшитагийн 6 дээр 2 ялж, 5 унан, сэкиторид ойртох боломжоо алдсан манай бөх Тамашёохо нэртэй болжээ.
 

Энэ нь түүний 4 дэх шикона юм. Э.Энхманлай сүмод анх орохдоо Такакасүга нэртэй байсан. Дараа нь Танэгашима, Кёкүсоотэн нэрээр барилдаж байв.

Тамашёохо 27 настай. Улаанбаатарын уугуул. 189 см өндөр, 116 кг жинтэй. Намрын тэмцээнд макүшитагийн зүүний 15-д эрэмблэгдэж байна.