Чөлөөт бөх: АНУ-ын шигшээ баг ДАШТ-д оролцохгүй

2020 оны 10 сарын 21

АНУ-ын бөхийн холбооноос 12 дугаар сард Сербийн Белград хотод болохоор төлөвлөгдсөн ДАШТ-д оролцохгүй гэдгээ албан ёсоор зарлалаа.

Энэ сарын 20-нд болсон холбооны Гүйцэтгэх зөвлөлийн хуралдаанаар “Дэлхий нийтийг хамарсан цар тахлын үед тамирчдынхаа эрүүл мэндийг нэн тэргүүнд тавих шаардлагатай” гэж үзэн, энэ удаагийн дэлхийн аваргын тэмцээнийг өнжихөөр шийджээ.  

АНУ-ын бөхийн холбооны тэргүүн Брюс Баумгартнер “Манай холбооны хамгийн үнэтэй зүйл бол тамирчин, дасгалжуулагч ажилтнуудын эрүүл мэнд. Бид хамгийн сүүлийн үеийн анагаах ухаан, шинжлэх ухааны мэдээлэл, засгийн газраас гаргасан тоо баримттай танилцаж, тамирчдаас санал бодлыг нь сонссоны эцэст ДАШТ-д оролцох хэрэггүй гэж шийдвэрлэлээ. Зөвлөлийн гишүүд бүгд санал нэгтэй байлаа” гэж сэтгүүлчдэд мэдээлсэн байна.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top