МҮОХ допингийн асуудлаар МҮБХ-нд дэмжлэг үзүүлнэ

Өнөөдөр МҮБХ-ны тэргүүний үүргийг түр орлон гүйцэтгэгч Ц.Магалжав, МҮБХ-ны гүйцэтгэх захирал И.Доржсамбуу нар МҮОХ-нд зочиллоо.

Монголын Үндэсний Бөхийн Холбооноос Монгол улсын заан Н.Түвшинбаярт Монголын Үндэсний Олимпын Хорооны Ерөнхийлөгчөөр сонгогдсонд баяр хүргэж, хүндэтгэл үзүүлэв.

Уулзалтын үеэр МҮОХ, МҮБХ-ны хамтын ажиллагааны талаар санал солилцохын зэрэгцээ МҮБХ-ноос допингийн асуудалд хатуу байр суурь барьж ажиллах, түүнд МҮОХ-ноос дэмжлэг үзүүлэх талаар талууд санал нэгдсэн байна гэж МҮБХ-ноос мэдээллээ.