Пушкаш академид суралцах хөлбөмбөгчид Унгарыг зорилоо

2020 оны 10 сарын 21

Унгарын алдарт Пушкаш академид суралцах эрхээ авсан "Дэрэн" клубийн тоглогч Г.Дөлгөөн, "Би Си Эйч Лионс" клубийн тоглогч Х.Чингүүн нар 10-р сарын 21-ний өглөөний тусгай үүргийн шууд нислэг болох Улаанбаатар - Будапешт чиглэлийн онгоцоор Унгар улсыг зорилоо.

Ковид-19 цар тахлын улмаас онцгой нөхцөл байдал үүссэн энэ үед эдгээр шилдэг хөвгүүдийг хөл бөмбөгөөр мэргэжлийн түвшинд хичээллэх боломжийг бий болгож Унгар улсад зорчих бололцоогоор хангасан Улсын Онцгой Комисс, Хүннү-Эйр, Монгол улсаас Унгар улсад суух Онц бөгөөд бүрэн эрхт Элчин сайд Батбаяр, Унгар улсаас Монгол улсад суугаа Элчин сайд, Консулын алба нарт гүн талархал илэрхийлье. Пушкаш академийг зорьж буй Г.Дөлгөөн, Х.Чингүүн нартаа амжилт хүсье гэж Монголын хөлбөмбөгийн холбооноос мэдээллээ.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top