Баджранг Пуния АНУ-д тэмцээнд оролцоно

Энэтхэгийн чөлөөт бөхийн од, ДАШТ-ий мөнгө, хос хүрэл медальт, Азийн наадмын аварга, Азийн хошой аварга Баджранг Пуния ирэх 12 дугаар сард АНУ-д болох тэмцээнд оролцоно. Тэмцээн 70 кг-ийн жинд шилдэг найман бөхийн хооронд явагдах юм.

Аварга бөх 25 мянга, мөнгөн медаль хүртсэн бөх 15 мянга, хүрэл медальт 10 мянган ам.долларын шагналтай. Пуниягаас гадна Жеймс Грин барилдах нь тодорхой болоод байгаа.

Баджранг Пуния 11 дүгээр сарын 25-нд хуримаа хийх гэнэ. Нэг жилийн өмнө төлөвлөгдсөн ёслол тул хуримын ёслолоо хийнэ. Гэхдээ цар тахлын улмаас цомхон хийгээд АНУ-г зорих юм.