Макүүчид Кёкүшюүзаны мэхийг 15 жилийн дараа хийжээ

Японы нийслэл Токиод болж байгаа мэргэжлийн сүмогийн 11 дүгээр сарын тэмцээний 14 дэх өдөр жижиг биетэй, уран барилдаантай хоёр бөх учраа таарч барилдлаа. Тэрүцүёоши сотокомата мэхээр Энхог ялж, дөрөв дэх даваагаа авлаа.

Энэ мэхээр дээд зиндаанд хамгийн сүүлд манай Кёкүшюүзан давж байжээ. 2005 оны нэгдүгээр сарын тэмцээний 6 дахь өдөр Д.Батбаяр Касүгаог давснаас хойш 15 жилийн дараа сотокомата мэхээр ялсан Тэрүцүёоши “Өчигдөр Энхогийн барилдааныг видеогоор үзэж судалтал зүүн хөлөө урагш тавьдаг нь ажиглагдсан. Тийм болохоор энэ мэхийг бэлтгэсэн” гэж ярьжээ.