Хямралд орсон UFC тулаанчдаа халж эхэллээ

2020 оны 12 сарын 09

Цар тахлын улмаас эдийн засгийн хямралд ороод байгаа холимог тулааны UFC холбооны тэргүүн Дана Уайт цомхотгол хийх болсноо зарлалаа.

Ажлаас халагдсан тамирчдын хамгийн эхэнд Кубын чөлөөт бөхийн олимпын мөнгөн медальт, дэлхийн аварга Йоэль Ромеро бичигджээ. Тус холбооны дунд жингийн чансааны 5-д бичигдэж байгаа Ромеротой гэрээгээ цуцалснаа Уайт мэдэгдсэн байна. Ромеро хэд хэдэн удаа аваргын бүсийн төлөө өрсөлдсөн ч тухай бүр ялагдаж байв.

Дана Уайт “Ганц Ромерог халж байгаа биш. Оны сүүлээр бид том өөрчлөлт хийх болно. 2021 оны эхээр 60 тамирчныг хална. Ромеро сүүлийн таван тулааныхаа дөрөвт нь ялагдсан. 43 настай, ахмад тамирчин. Удахгүй бид гэрээгээ цуцлах тулаанчдын нэрсийг зарлана. Хэцүү ч гэсэн ингэхээс өөр арга алга” гэж шийдвэрээ тайлбарлажээ.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top