2020 оны “Шилдэг эрэгтэйчүүдийн багийн дасгалжуулагч” Б.Гарьдмагнай

Монголын хөл бөмбөгийн холбооноос жил бүрийн 12 дугаар сарын 12-нд Монголын хөл бөмбөгийн оны шилдгүүдийг тодруулдаг уламжлалтай. Цар тахлын улмаас энэ жил шилдгүүдийг шалгаруулах ёслол цахимаар явагдаж, SPS Television орон даяар шууд дамжуулан үзүүллээ.

Үндэсний дээд лигийн аварга “Атлетик 220” клубийн ахлах дасгалжуулагч Б.Гарьдмагнай “Алтан бөмбөг 2020” Виртуал ёслолын ажиллагааны “Оны шилдэг эрэгтэйчүүдийн багийн дасгалжуулагч” номинацийн эзэн боллоо.

Б.Гарьдмагнай нийт 199 оноотойгоор шилдэг дасгалжуулагч болсон бол “Улаанбаатар” клубийн дасгалжуулагч Б.Ганбат 99, “Хангарьд” клубийн дасгалжуулагч С.Пүрэвсүх 89 оноог тус тус авчээ.