2020 оны “Шилдэг эмэгтэйчүүдийн багийн дасгалжуулагч” В.Мөнхжаргал

Монголын хөл бөмбөгийн холбооноос жил бүрийн 12 дугаар сарын 12-нд Монголын хөл бөмбөгийн оны шилдгүүдийг тодруулдаг уламжлалтай. Цар тахлын улмаас энэ жил шилдгүүдийг шалгаруулах ёслол цахимаар явагдаж, SPS Television орон даяар шууд дамжуулан үзүүллээ.

Эмэгтэйчүүдийн лигийн аварга “Дэрэн” клубийн дасгалжуулагч В.Мөнхжаргал 2020 оны “Шилдэг эмэгтэйчүүдийн багийн дасгалжуулагч”-аар шалгарлаа.

В.Мөнхжаргал нийт 113 оноо авч тус номинацын эзэн болсон бол “Туулын Том Тулнууд” багийн дасгалжуулагч Г.Тулгабаяр 85 оноо, “Арвис” багийн дасгалжуулагч Г.Өнөбаяр 63 оноо авчээ.