ШУА-ийн ээлжит Их чуулган цахимаар хуралдана
ШУА-ийн Тэргүүлэгчдийн хурал өнөөдөр (2020.12.15) хуралдаж, дараах асуудлыг хэлэлцэж баталлаа.
Өнгөрсөн аравдугаар сард ШУА-ийн ерөнхийлөгчийн сонгууль болж өнгөрсөнтэй холбогдуулан ШУА-ийн дэд ерөнхийлөгч, эрдэмтэн нарийн бичгийн дарга, Тэргүүлэгч гишүүдийг сонгох сонгууль явагдах ёстой. Энэхүү уламжлалаар арваннэгдүгээр сарын 19-нд ШУА-ийн Их чуулган хуралдаж дээрх сонгуулийг явуулах товтой байсан ч ковидын нөхцөл байдлын улмаас тодорхойгүй хугацаагаар хойшлогдоод байсан юм. Тэргүүлэгч гишүүд энэхүү асуудлыг дахин хэлэлцээд ээлжит “Их чуулган”-ыг энэ сарын 17-ны пүрэв гаригт цахимаар хуралдуулж ШУА-ийн дэд ерөнхийлөгч, эрдэмтэн нарийн бичгийн дарга, Тэргүүлэгч гишүүдийг сонгох сонгуулийг явуулахаар тов тогтлоо.
Мөн энэ үеэр ШУА-ийн гишүүнийг сонгох шинжлэх ухааны салбар, чиглэл, тоог тогтоох асуудлыг хэлэлцэж баталлаа. Үүнд,
- Хими, биологийн салбараас -1
- Физик, математик, информатикийн салбараас -1
- Геологи, газарзүй, байгаль орчны салбараас -1
- Техник, технологийн салбараас - 2
- Нийгмийн шинжлэх ухааны салбараас - 2
- Хүмүүнлэгийн ухааны салбараас - 1
- Анагаахын шинжлэх ухааны салбараас - 1
- Хөдөө аж ахуйн шинжлэх ухааны салбараас - 3 гишүүн байхаар тогтлоо.
Тодруулбал, эдгээр салбарын нийт 12 гишүүнийг ШУА-ийн гишүүнээр шинээр сонгох квотыг батлав.
Холбоотой мэдээ
