Унгарын Засгийн газрын тэтгэлгээр жил бүр 200 оюутан сургахаар болжээ

З.Тэмлүүн | Zindaa.mn
2020 оны 12 сарын 18

Монгол Улс, Унгар Улс хоорондын дипломат харилцаа тогтоосны 70 жилийн ойн хүрээнд Монгол Улсын Боловсрол, шинжлэх ухааны яам, Унгар Улсын Гадаад хэрэг, худалдааны яам “Stipendium Hungaricum” тэтгэлэгт хөтөлбөрийн хүрээнд 2021-2023 онд хамтран ажиллах тухай харилцан ойлголцлын санамж бичгийг өчигдөр (2020.12.17) байгууллаа. 

Тус санамж бичигт Монголын талыг төлөөлж Монгол Улсын Засгийн газрын гишүүн, Боловсрол, шинжлэх ухааны сайд Л.Цэдэвсүрэн, Унгарын талыг төлөөлж Унгар Улсаас Монгол Улсад суугаа Онц бөгөөд Бүрэн эрхт Элчин сайд Др. Борбала Обрущанский нар гарын үсэг зурж албажуулав.

Тус санамж бичгийн хүрээнд Монгол Улсад тэргүүлэх мэргэжлийн чиглэлээр 2021-2023 онуудын хооронд жил бүр Монгол Улсын 200 иргэнийг Унгар Улсын Засгийн газрын тэтгэлгээр суралцуулах юм байна. 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
zochin  (202.21.117.2)  2020 оны 12 сарын 18

Иймэрхүү тэтгэлэг ил тод биш нэг л мэдэхэд шалгарлаа гээд ар өвөр хаалгатай томчуудын хүүхдүүд л явдаг жирийн ард иргэд хүүхэд явдаггүй таг мэдээлэлээс хол байх юмдаа

0  |  0
Top