Бажран Пуния 68 кг-ийн жингийн барилдаанд түрүүллээ

Энэтхэгийн шигшээ баг Дэлхийн Цомд оролцож байхад багийн лидер Бажран Пуния АНУ-д шагналын сан өндөр тэмцээнд оролцож байлаа.

Энэ сарын 18-нд АНУ-д “FloWrestling 8-Man Challenge” чөлөөт бөхийн тэмцээн болсон. Бажран Пуния Мичиганд олимпын хошой аварга Сергей Белоглазовын Cliff Keen WC клубт бэлтгэл хангаад “FloWrestling 8-Man Challenge”-д өрсөлдлөө. 68 кг-ийн шилдэг найман бөхийн тулаан нэртэй тус тэмцээнд Пуниягаас бусад нь бүгд америк бөхчүүд байлаа.

Эхлээд Пуния Пэту Лугог 6:1 ялсан. Хоёрдугаар тойрогт Энтони Эшног 9:0 ялаад финалд Жеймс Гринийг 8:4 ялж түрүүлжээ.
 

Бажран 25 мянга, Грин 15 мянга, Алек Панталео 10 мянга, Энтони Эшно таван мянган долларын шагнал хүртлээ.

Бажран энэ сарын 22-нд Пенсильвани мужийн их сургуульд болох бөхийн шоунд оролцоно. Энэ удаа тэр 65 кг-ийн жинд Зейн Ретерфордтой барилдах юм.

8-Man Challenge 

Bajrang Punia df. Pat Lugo, VPO1 6-1

Anthony Ashnault df. Evan Henderson, VPO1 6-6

Alec Pantaleo df. Jordan Oliver, VPO1 4-4

James Green df. Bryce Meredith, VSU, 10-0

Хагас шигшээ:

Bajrang Punia df. Anthony Ashnault, VPO 9-0

James Green df. Alec Pantaleo, VPO1 4-2

Хүрэл медалийн төлөө:

Alec Pantaleo df. Anthony Ashnault, VPO1 8-1

Финал:

Bajrang Punia df. James Green, VPO1 8-4