Мастерс: Г.Хэрлэн яллаа

Өнөөдөр Катарын Дохад жүдо бөхийн World Masters тэмцээн эхэллээ. Эхний өдөр эрэгтэй 60, 66, эмэгтэй 48, 52, 57 кг-ийн жингийн барилдаан болов.

Эрэгтэйчүүдийн 66 кг-ийн жинд Г.Хэрлэн Германы Себастьян Сейдлтэй барилдлаа. Манай бөх герман залуутай 3 барилдаж, 2 давж байжээ.

Энэ удаад ч барилдааны эхнээс илт давамгайлж, өрсөлдөгчөө хоёр торгуулсан ч оноо авч чадсангүй. Нэмэлт цагийн 1,13 минутад оноо авснаар дараагийн тойрогт шалгарлаа.

Г.Хэрлэн ДАШТ-ий мөнгөн медальт Казахстаны Серикжанов Ерлантай барилдах юм. Хоёр бөх нэг удаа таарч барилдан, 2018 оны ДАШТ дээр Ерлан ялж байжээ.